{ SKIP }
文:MenClub 魏文青  
POSTED ON 22 Jun 2022

世界各國,特別係發達國家嘅出生率下跌已經唔係啲咩新聞,過往亦有不同學者提出不同原因以及解決辦法,亦曾多次警告人口減少對社會以至人類存亡帶黎嘅負面影響。而近日美國環境及繁殖流行病學家Shanna Swan就發表新報告,指全球男性都面臨「女性化」問題,唔單止令年輕男性嘅下體縮小,更影響佢哋嘅生育能力,以至影響未來人口。

首先,Dr. Shanna Swan講緊嘅「女性化」,唔係講緊打扮或者心態嗰啲表面嘢。Dr Shanna Swan嘅報告重點,其實係人類製造嘅「微型塑料 (例如分解嘅膠袋)」以及其他污染物進入生態系統,再被人類吸收返後所造成嘅影響。而據佢講,呢啲污染物除咗會透過影響賀爾蒙而令成年男子嘅健康精子數量減少,亦會透過母體影響胎兒,特別係男嬰嘅生殖系統發展,於是男嬰長大後其生殖器就會較小,亦較易遇上勃起功能障礙。同時男嬰亦會繼續被污染物影響健康精子數量,長期下去整個人類就會漸漸失去生肓能力。

Dr. Shanna Swan指出,從過去四、五十年嘅數據顯示,西方國家男性嘅精子數量已經下降咗50%;而女性方面,「某啲國家廿令歲女性嘅生育能力,比起佢哋祖母嗰代人喺35歲時都仲要差」。更重要嘅係,部份污染物例如PFAS (含氟表面活性劑),伙唔會於自然環境或人體中被分解,換言之佢哋只會不停於人體內累積,而且越後代就累積得越多、影響就越大。

Dr. Shanna Swan更警告,要將某個物種列為「瀕臨絕種」,只需要物種符合五個條件中嘅其中一個,「人類依家中咗有至少三個」。

資料來源:Daily Star
相信大家都有聽過「情人眼裏出西施」、「愛情令人盲目」等說話,簡單黎講就即係話人會因為感情因素嘅左右,而無法對愛人作出準確嘅評價,明明唔好嘅都睇成係好嘅。不過近日一個奧地利研究就指出,其實情人對於你嘅能 ...
thezone
【兩性】愛情並非盲目!研究指情人對你嘅評價非常準確
11 Aug 2022
相學中有云:眼下有痣,桃花旺盛,而對於非常講求人緣嘅藝能界,桃花好亦代表人氣更好如果按照呢個思路,咁今日要介紹嘅呢位「竹內花」理應一入行就大紅大紫。不過事實就唔係咁,係直到近排佢開始轉行水著,露出豐腴 ...
girls
【深夜】美人痣加可愛酒粒 豐腴美人「竹内花」
11 Aug 2022