{ SKIP }
文:MenClub 魏文青  
POSTED ON 22 Jun 2022

只要有睇過下日本動漫,相信大家都唔會對「忍者」感到陌生。於動畫中忍者可以隱身、可以飛簷走壁、仲可以召喚出九尾狐打到地球都爆埋,但現實中嘅忍者又有咩能力呢?據日本傳媒報導,日前於甲賀流忍者嘅發源地甲賀市嘅一間神社之中,就發現咗一本載有48種忍術嘅古代秘笈,或者能令大家更了解現實中嘅忍術。

據日本傳媒報導,被發現嘅忍者秘笈名為《軍法間林清陽巻中》,本身就係另一本忍術書《間林清陽》嘅手寫複製本,而《間林清陽》本身就可以追塑到1679年江戶時代嘅忍者書《万川集海》,換言之《軍法間林清陽巻中》記載住江戶時代嘅忍術。

不過現實中嘅忍術,當然冇動漫影視作品中咁神奇。據報《軍法間林清陽巻中》全書有40頁,記載咗48種忍術,當中包括於草鞋中鋪上棉花減輕腳步聲、被大量敵人包圍時要向右突圍、於手掌心寫個「鬼」字黎趕狗,以及忍具「撒菱」嘅製作方法等。當中最特別嘅,係記錄咗隱身時要投擲燒焦咗嘅貓頭鷹或烏龜粉末,以及要唸咒語。

圖片:朝日新聞

《軍法間林清陽巻中》係由同樣來自甲賀市嘅福島嵩仁發現,據知佢去年參照昭和後期嘅古文書目錄後,發現《軍法間林清陽巻中》藏於當地葛木神社之中,再去到神社嘅倉庫搵到《軍法間林清陽巻中》,當時《軍法間林清陽巻中》與其他甲賀忍者相關嘅書放埋一齊。另外書名中嘅「中」,亦暗示同系列應該仲有「上」、「下」兩本。

資料來源:朝日新聞

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024