早前我哋就同大家報導過，日本國會以「保障演出者」之名通過「AV新法」，未來更有可能完全禁止有真正性行為嘅「本番AV」，結果近日日本業界就傳出7、8月嘅所有拍攝都會擱置，女優們生計大受影響。無獨有偶，著名歐美成人網站Pornhub近日又被傳媒狙擊，指網站上繼續有「非自願、包括未成年人」嘅成人內容，Pornhub母公司MindGeek隨即宣佈CEO及COO兩位高層離職兼大手炒人。睇黎全球成人業都面臨困境。

左：三上悠亞；右：Melody Marks

AV新法よくわからなくて
何も呟かなかったんだけど
さっきマネージャーに
新法で来月入ってる撮影全てリスケになる可能性がありますってLINEきてた????

いつそれわかるん????????????????????

— 天然美月????YouTube毎日19時???? (@amane__mizuky) June 9, 2022

唯一長く続いた仕事のAV業界も生きづらい世の中になってしまった様ですし、
2年後引退を目安に頑張ろうと思います。
専門学校に行きたいので貯金頑張ろう。
何の専門学校かはまだ内緒。
新法とかゆーやつのせいでしばらく撮影の仕事が滞りそうなのでバイト早く見つけなきゃー

— 衣織 (@iori_meow5) June 15, 2022

先講日本。日本國會早前通過「AV新法」，當中最具影響力嘅一條，係「任何表演者都能要求作品下架」，當中「表演者」係指任何出鏡嘅人，亦即女優、男優、汁男優等通通都算，換言之作品越多演員，被要求下架嘅風險嘅就更大，加上新法要求下所有合約都需要重簽，所以日本片商將7、8月所有拍攝都擱置，重新再規劃。雖然大部作品由拍攝完成到上架都需要幾個月時間，換言之片方仲有存貨、大家短期內亦不至冇片可睇；但對於女優、特別係按每部作品收錢嘅單體女優而言，停拍兩個月就即係失業兩個月，所以唔少女優都於Twitter抱怨AV新法，甚至已經有人考慮要轉行。

另外據台灣AV達人「一劍浣春秋」指，AV新法本意就係禁止所有「本番演出」，兩年後可以就會真正立法，屆時整個「正當」AV業界亦會消失，轉向如FC2等非法渠道，反而令演出者嘅權利更冇保障。

日本業界亦開始嘗試規避「AV新法」。片商「本中」近日就於Twitter呼籲女優們「逆指名」，即係由女優向片商提出導演、主題等。除咗係噱頭之外，更避免女優唔同意拍攝內容嘅問題。

さっそくやってみましょう。

AV女優さんからメーカーへの逆オファーお待ちしてます！

下記ひながたつけて#AV女優逆オファー
つけてツイートしてね\(//∇//)\

－－－－－－－－－ーーーーー
女優名:
希望監督:
撮りたいジャンル:
例）痴女、ドラマレイプなど
SNSフォロワー数:

－－－－－－－－－ https://t.co/DwljchBWbx

— 【本中】‐中出しAVメーカー‐ (@honnaka_nama) June 22, 2022

另一邊廂，地球另一邊嘅歐美AV業界亦唔好過。日前《The New Yorker》刊出一篇長達8,000字嘅調查報導，指著名成人網站Pornhub上依然有「非自願、包括未成年人」嘅成人內容，又搵黎受害者表示，要Pornhub下架自己嘅影片依然非常困難——如果你覺得單嘢好熟口面，你係啱嘅，因為篇報導基本上係2020年Pornhub因《New York Times》類似報導後自刪過千萬部影片嘅後續，一句講哂就係傳媒認為Pornhub當年推出嘅新規矩都係唔足夠。

而報導出街之後，Pornhub母公司MindGeek就宣佈，CEO Feras Antoon及COO David Tassillo都會辭職，雖然MindGeek指二人離職係年頭已經開始計劃，但坊間都認為二人係為事件負責而下台。同時亦有報導指MindGeek因過去18個月被爆出發佈「兒童色情」及「非自願成人內容」而令收入下跌繼而需要裁員，坊間更傳出MindGeek炒咗70%員工，只餘下能令Pornhub勉強運作嘅員工數量。Pornhub回應事件就話「炒咗過半人」嘅傳言係「瘋狂而且完全錯誤」，但就冇確認被炒員工人數。

反正能夠確定嘅係，雖然現實中步入暑假，但日、美嘅成人電影產業似乎就步入寒冬。

資料來源：AVNO1、Variety