一睇到呢條題目，我相信好多男士都會嗤之以鼻：睇AV使人教架咩？係人都識左青龍右滑鼠架啦！不過由外國成人網站「Lustery」提供嘅免費線上課程，並唔係單單教大家如何搵AV黎睇、如何一路睇一路獲得快感，而係希望大家成為一個更負責任嘅AV觀眾！

首先，「Lustery」呢個網站就唔係普通嘅成人網站。網站上嘅成人內容，全部都係由素人異性或同性情侶自行製作上傳，而觀眾以月費形式訂閱整個服務就可以觀看內容 (即係Netflix咁上下)。正正係因為所有內容都係由情侶上傳，唔會有脅逼拍攝等事情發生，所以Lustery其中一個宣傳重點就係「有道德嘅AV」。

而佢哋提供嘅「如何看AV」課堂，其實都係想令大眾建立良好嘅睇AV習慣。課堂由「甚麼是AV」開始講起，再到「性幻想」、「AV與現實性愛」、「AV的負面迷思」、「AV與父權」等，總共有八堂。八堂總時長大約為2小時，但Lustery就建議大家將八堂分開幾個星期黎睇，等自己有足夠時間消化課堂內容，同時進一步了解自己嘅需要及習慣。

而課堂嘅另一個重點，就係推廣「有道德嘅AV」。課堂中一方面希望大家更了解自己嘅需要，同時亦提到目前AV業界中嘅問題以及「Consent (同意)」嘅重要性，希望大家未來享受AV睇來嘅快感之餘，亦可以將「AV是否有道德地製作 (例如演員們是否被脅逼而參與拍攝)」加入考慮範圍。成為一個更「正念」嘅AV觀眾。

資料來源：Lustery