早年唔少人都鍾意玩飛鏢，當中甚至有好一部份都係女仔黎。而今日要介紹嘅呢位「熊谷麻音」，除咗係一位職業飛鏢運動員之外，佢仲係一個寫真女星，而且係一個身材超級好嘅寫真女星！

現年26歲嘅熊谷麻音，出身於日本青森縣津軽地區。據佢於訪問中透露，佢屋企本身就係經營一個飛鏢場，而佢自10歲起溫書溫到悶嘅時候就會去掟鏢，中學一年級就已經開始參加比賽，後來因為學校人際關係問題輟學後，更加以掟鏢為人生目標，結果中二時即使係整個賽區唯一未成年人，但仍然贏得東北地區賽嘅第三名。到18歲時就通過日本嘅職業考試，正式成為專業飛鏢運動員，並搬去東京生活。

去到東京後，本來熊谷麻音於一間飛鏢贊助商公司到工作，不過去年12月從公司辭職後，咁啱就接到現任經理人公司嘅電話，話睇咗佢喺TikTok上傳嘅泳衣片，覺得佢有潛力成為寫真女星，所以邀請佢加盟。而熊谷麻音亦為出道努力減咗9公斤，但上圍依然保持G Cup，所以先有大家依家見到嘅靚相啦。

IG：mao_kumagai