作為香港人，相信大家都聽過「兒子生性病母倍感安慰」呢個笑話，而當中嘅重點，就係視乎你點樣去斷句——斷喺個「性」字之後，定「病」字之後。而近日日本無印就有隻零食，因為名稱上出現同樣嘅「斷句」問題而成為網絡熱話！

圖片：日本無印良品

話說日本無印有推出一隻名叫「鑽石可可餅乾」（Cocoa Diamont Biscuits）嘅零食，具體而言就係表面有粗砂糖、睇落去有幾分似鑽石黏喺表面上嘅餅乾。呢款餅乾好唔好食唔係重點，重點係佢嘅日文名稱「ディアマン　ココア」（Diamond Cooca）經過重新斷句後，可以變成「ディア マンコ コア」，即「親愛的 陰道 核心（Dear Mango Core）」。而正正就係因為呢個有趣發現，令呢款餅乾成為日本網絡一時熱話。

「SNSで人気」じゃないねん pic.twitter.com/gfuXPY5lTO

— わんわん (@lillou_sa) February 12, 2025

更有趣嘅係，日本X用家「わんわん」（@lillou_sa）近日發現，無印嘅店內竟然為「ディアマン　ココア」貼上「SNSで人気」（於社交網絡上大熱）嘅促銷標籤。雖然嚴格上黎講呢句嘢唔算錯，但呢款餅乾於網上大熱嘅原因，其實同佢本體毫無關係，所以就引來唔少人吐糟日本無印「斷章取義」式嘅銷售手法。

唔知各位又有食過「親愛的 陰」… 我指呢款「鑽石可可餅乾」呢？