一般黎講，我哋「深夜系列」係唔太會介紹啲真係啱啱進入寫真界嘅新人，因為佢哋作品非常有限根本就搵唔到咁多寫真靚相。不過今晚要介紹呢位「すずめ」就值得我為佢破例，除咗因為佢真係靚女之外，仲因為佢嘅出道寫真就已經打破雜誌史上最好賣寫真紀錄，睇黎將來必定會成為寫真界重要一員！

據網上資料顯示，「すずめ」係2005年出世，即係今年先啱啱20歲。但其實佢早於2020年時就己經加入日本女團「INUWASI」，成為團內年紀最細嘅成員。或者亦因為佢年紀細，所以當同隊成員「はのんまゆ」於2020年出道當年就開始拍寫真，但佢就一直等到今年三月先於雜誌《週刊Magazine》網站上專門介紹新人嘅「Pick Up Girls!」欄目中獻出處女寫真。

但正正就係呢次亮相令佢一炮而紅！事關據雜誌後來披露，「すずめ」呢輯只係於普通攝影棚拍攝、無外景、服裝就冇咩特別嘅寫真，成為咗雜誌有史以來最好賣嘅電子寫真！而且講緊《週刊Magazine》呀，人哋淨係電子寫真每個禮拜都係「一堆」咁出㗎！而「すずめ」能夠贏哂其餘所有人，你就知佢有幾勁啦！

IG：suzume_inws