好多人都覺得女仔生得矮冇咩所謂，但其實如果一個女仔生得矮，就算再靚女都只會被稱讚為「可愛」，好似「矮」同「靚」係相沖咁。反觀「性感」呢個讚美詞就中立得多啦，高又可以性感、矮又可以性感，如果矮到好似今晚要介紹呢位「はのんまゆ」咁，仲係一種特色黎嘅添！

用全片假名做名嘅「はのんまゆ」，本名應該係叫「羽音まゆ」，2018年時曾以搖滾偶像團體「MELTY HZ」嘅創團成員身份出道，到2019年時卒業，翌年就加入另一隊女團「Inuwasi」並改用全片假名名字一直活動至今。所以即使佢冇公佈真實年齡，而且個樣生得非常年輕，但數數手指都估到佢今年應該有廿四、五歲。而佢本人於加入「Inuwasi」後就曾經嘗試過拍攝寫真，曾兩次登上《Flash》雜誌，2022年時更曾為日本著名攝影師「須崎祐次」嘅《Cosplay of Nurse》寫真集擔任模特兒。不過真正令佢爆紅嘅，就係今年初再次為《Flash》拍攝嘅新寫真。

縱然身高僅得147cm，而且平時愛穿「Kawai風」睇落似個妹妹，但其實「はのんまゆ」上圍都有34吋，配合嬌小軀幹就更顯火辣。另一邊廂，「はのんまゆ」嘅喜好亦非常豪邁，佢自稱熱愛桑拿以及飲啤酒，而且非常大食——真係食嘢嗰種大食——拍完寫真可以連吞6個冬甩。或者就係呢種反差萌，令佢深受Fans們喜愛啦。

IG：hanon_inws