以前所有明星都唔敢公開自己有拍拖，驚會影響人氣。依家就唔講法啦，大把人係公開拍拖之後人氣更高，甚至Fans都戥佢開心。但正因為呢種風氣嘅改變，所以依家夠膽宣稱自己從來無拍過拖嘅明星就更加稀少，而今晚要介紹呢位寫真女星「風愛ことり」就係其中之一。唔知你又信唔信佢呢？

1997年出世，今年28歲嘅「風愛ことり」可謂一個半途出家嘅寫真女星。佢最早係於2018年10月加入偶像女團「COLOR'z」出道，一路活動到2022年10月短暫退出，2023年9月又重新回繼續活動，直到去年團體解散佢先正式畢業。亦因為團體解散，所以佢去年就毅然轉型為寫真女星，然後用咗唔夠一年時間，就於今年6月，於日本著名偶像觀察者「北川昌弘」主辦嘅「寫真鑑賞大賞」中獲得「特別賞」。難怪會被列為今年最期待嘅寫真新人之一。

而當被問到個人最大賣點之時，佢無講自己嘅E Cup上圍，而係點出自己又圓又翹嘅美臀。佢話自從寫真出道後就每日做運動鍛鍊身材，特別會靠皮拉提斯鍛練腰背及Pat Pat，就係為咗能夠拍寫真時會更加好睇。同時佢亦話自己對另一半非常揀擇，所以咁大個女都無拍過拖，而依家就更加將Fans們放於首位。咁識做人，抵佢紅嘅！

IG：kotori_kazame03