同女性相處，有時係要啲學問。曾經有個朋友向我訴苦，話佢個心儀對象成日要睇啲愛情片、文青藝術片，佢又無乜興趣睇，搞到兩個人好少可出到街睇戲。「少年，想當我連波兒都入場睇啦」，我答道。你出街都係為陪對方，睇咩又有咩所謂呢？係咪咁想睇戲呀兄弟？其實老土啲講，相處都係投其所好，知道對方鐘意啲乜，自然事半功倍啦。

喺香檳嘅世界，Perrier-Jouët (PJ) 對於女士們有絕對嘅吸引力。PJ於1811年以家族形式創立，喺香檳區擁有多個頂級葡萄園，其作品以充滿鮮花芳香見稱，再加上酒樽濃郁嘅藝術氣息，優雅、高貴，甫一登場已經魅力四射；要為女伴營造一個浪漫之夜，你又點少得PJ嘅香檳呢？

日前Perrier-Jouët發佈兩款最新佳釀 — Perrier-Jouët Belle Epoque 2008 同埋Belle Epoque Blanc de Blancs 2004 限量版；前者為經典Belle Epoque系列嘅新Vintage，後者則擁有日本玻璃藝術家三島律惠 (Ritsue Mishima) 設計嘅瑰麗瓶身，同樣係令人心心眼嘅佳釀。

Perrier-Jouët Belle Epoque 2008嘅綠色瓶身係1902年由新藝術風格藝術家Emile Gallé設計，具有銀蓮花同埋典雅嘅花卉細節。2008年Vintage延續咗PJ嘅清爽活潑同埋淡然花香，酒色呈現耀眼嘅閃亮金色，亦見翠綠，聞香能夠感受來自山楂、梅花等白花香氣，又有柑橘之蜜甘、白色水果嘅香甜。入口時既活潑又充滿生命力，6年嘅陳釀令層次更為細緻，個性鮮明，餘韻為清爽嘅柑橘氣息。

Belle Epoque Blanc de Blancs 2004限量版，酒瓶嘅新衣為日本玻璃藝術家三島律惠嘅傑作。流麗自然嘅曲線，同佢之前設計嘅酒桶互相呼應，其質感與香檳嘅優雅可謂非常匹配。

日本玻璃藝術家三島律惠

04年Blanc de Blancs擁有清澈透亮嘅酒色，乳白之中亦帶翠綠，汽泡細緻而綿密；酒香散發出丁香，未熟白色水果、香桃、葡萄等果香，又有糖漬柑橘、雲尼拿、奶油氣息，同經典花香混和出更豐盈嘅層次感。入口時更覺清新，爽快怡人，口感非常細緻，且餘韻極為悠長，數分鐘後仍能感覺其香甜氣息於口腔迴蕩不休。

三島律惠與 PJ 之典雅藝術

Belle Epoque 2008年，11月中會正式於在屈臣氏酒窖發售，價錢為H$K1,128；而Blanc de Blancs 2004限量版，香港作為全亞洲首發地區，亦唔需要等太耐，12月1號起，喺屈臣氏酒窖、Enoteca都能夠以HK$3,780入手！