好多人都覺得袖套係大媽先會用，但其實防曬呢家嘢人人都有需要，行山又好，踩單車又好，唔少人都忽略咗身體嘅防曬，如果巴打你覺得男人老狗下下搽防曬好麻煩，但心底裡又怕曬傷你強壯嘅臂彎，咁可能呢個Moment，你需要嘅係一個型到爆嘅「機械臂袖套」！

日本玩具品牌EPOCH最近發表咗一系列扭蛋新作——「機械臂袖套」！袖套展開全長37cm左右，一共有6款，無論邊款都好，全部都充滿高科技感覺，戴上手唔會娘之餘仲Man爆！

目前預計「機械臂袖套」將於2019年5月中推出，售價係200円一個，唔知香港又會唔會引入呢？