{ SKIP }
文:米  圖:互聯網
POSTED ON 10 Jun 2019

之前喺MenClub同大家介紹過日本Tanko出嘅名為「ファンブレラ」嘅遮,佢一把遮就有齊「擋雨x擋UVx吹風x灑水」咁多Function,確係相當巴閉!不過唔少網友都認為「ファンブレラ」喺握柄部份連住水樽作灑水用途,拎住把遮時咪勁重?唔……的確有啲道理!如果只係為咗涼快,拎咁大把遮先得嗰少少風又真係講唔過!好!咁今次就為大家介紹Tanko嘅另一產品「隨身冷氣水壺」!

呢個「隨身冷氣水壺」(持ち運べるお一人様エアコン/ポータブルボトルエアコン)外型構造就好似一個普通水壺咁,但其實裡面可以放冰或者保冷劑,只要閂埋樽蓋關然後開啟電源,就可以變成隨身嘅冷氣機!

另外佢仲附有一條長65cm嘅管,等你可以攝條管入件衫入面,啲風就可以集中吹住你身體。而且呢個「隨身冷氣水壺」仲有三段風速可以調整,你想少少涼又得,好涼又得,涼到起雞皮又得,得咗!

如果巴打對呢個「隨身冷氣水壺」都有興趣嘅話,可以上Tanko網站睇睇詳細資料~

唔知遲下仲會唔會出埋其他動物款式呢?
gags
送畀女朋友!日本超可愛「貓貓叉電器」
12 Aug 2019
如果巴打經開「四谷三丁目站」,不妨留意一下影下靚相!
gags
不一樣的「四谷三丁目站」 縱橫交錯的水管之美
06 Aug 2019