心突然的隱隱痛「胸中飛人」鍊墜寫真集

文：MenClub 魏文青　　
POSTED ON 13 Aug 2015

上年文青同大家介紹過呢個「飛入乳溝」鍊墜，唔知大家仲有印象呢？當時呢篇嘢個反應都唔錯，但個鍊墜喺日本嘅反應就更加唔錯！唔錯到廠商「ekoD works」(係，即係出濕身透底T嗰間)黎緊會幫佢出本叫做《ふくらみの引力(堅挻的引力)》嘅寫真集！

好明顯，呢本寫真集就係影住幾款唔同嘅「飛入乳溝鍊墜」，飛入唔同乳溝嘅情形。之於個重點係個鍊墜定條乳溝就你自己諗掂佢。8月22日出版，售價只係1620Yen(約100HKD)，其實係抵賣。之但係作為一個港男，我就唔會買囉！因為之前都講過，個「飛入乳溝鍊墜」之所以好睇，係因為佢飛去入嗰條係乳溝黎嘛！而睇均文青身邊所有女伴(講到好似好多咁呀可)，最有本錢戴呢條鍊嘅恐怕就係我本人，咁做咩仲買本寫真集返黎篤口篤面呢？
圖為「ekoD works」網站上，「飛入乳溝鍊墜」嘅介紹圖片，同寫真集中嘅可能有出入架。
喺呢個時候，唔知點解文青諗起嘅係張學友嘅《給朋友》：「飛出生死峽谷…緊記多添加衣服…」