由講談社所舉辦嘅選美比賽「Miss Magazine」（ミスマガジン）始於1982年，歷年嚟誕生過唔少一線演員、偶像、Model、歌手等等。最近三位冠軍難得同場拍寫真，大曬春青身體，真係想學《九品芝麻官》嘅豹子頭話齋：「我要晒！」

今次寫真陣容強勁，近三屆「Miss Magazine」冠軍都喺齊晒度，分別有2018冠軍「沢口愛華」、2019冠軍「豊田ルナ」以及2020冠軍「新井遙」。寫真以旅行為主題，專程去到陽光明媚嘅沖繩島取景，三位分別換上充滿夏日色彩嘅Bikini泳衣大曬魔鬼身材，每人各有特色，不分高下。

「Miss Magazine」可以稱得上係成為明星嘅踏腳石，三位贏咗冠軍之後都愈嚟愈紅，人氣有增無減。當中「沢口愛華」因多產而被封為「令和寫真女王」，「豊田ルナ」最近就確定會擔任特攝劇《超人Trigger: New Generation Tiga》女主角，而「新井遙」就積極籌備緊新作。唔知喺三位寫真女星入面，邊個又最啱你心水呢？