{ SKIP }
文:MenClub 摯樂  圖:互聯網
POSTED ON 06 May 2021
【電影】七月未封關去馬《比得兔2:走佬日記》七一走佬睇好戲

可怕的抗疫已經令好多人唔再記得七月一號係咩日子,反正放暑假七一就有《比得兔2:走佬日記》(Peter Rabbit 2: The Runaway)大電影鐵定上馬。故事就講比得兔的英倫出走日誌,比得兔今回要離家出走,走佬重新出發,臨走只留下一句「如果大家都覺得我好麻煩,可能我離開對大家都好。」英國唔算十分大,但比得兔要出走肯定面對波折,支持佢走的大可跟埋佢逃出一片新天地,唔想佢走選擇留低都可以開心帶埋小朋友入戲院睇戲,放完假咪繼續繁忙的人生囉!

「比得兔」大電影改編自長青同名童書由英國女作家暨插畫家碧雅翠絲·波特(Helen Beatrix Potter)係在1902年所出版的兒童書。之前改篇的第一集大電影比得兔居然全球成功好評,於是繼2018年復活節之後,今年續集終於面世。《比得兔2:走佬日記》原裝英語版依然有好多人氣海外紅星為電影配音,包括英國名嘴占士高登(James Corden)、小丑女瑪歌羅比(Margot Robbie)與《天能》的仙氣女主角伊麗莎白迪碧琪(Elizabeth Debicki)等等;如果睇細路戲想睇返粵語配音版,都唔差!本地版再度請來森美及陳豪拍住上,分別聲演兩位兔仔主角:招積的比得(Peter)同傻更更的賓仔(Benjamin),繼續為大家發放笑彈!七月一日,相信大部人都放緊假,如果想一家人搵節目睇「比得兔」絕對係一個好選擇。當然想一家人出走離開香港的,就要留意香港有無封關,疫情之下凡事都有可能,希望在明天但點都要有最壞打算。


《比得兔2:走佬日記》故事大網:

麥奎格(當勞格利遜 飾)同碧雅(露絲拜恩 飾)終於有情人終成眷屬,拉埋天窗。碧雅還將她和一班小動物的故事寫進兒童書,意外令比得爆紅。原本故事發展順利,但何解比得突然要離家出走?!因為人人知道他的頑皮事蹟後都當他是百厭星,有破壞無建設。不甘心被定型的比得為了尋找自己的小天地,遠走他方闖蕩江湖。一班可愛小動物決定跟到天腳底,從菜園到城市冒險,卻一不小心遇上大麻煩。待比得如子的麥奎格同碧雅當然出手相救,為了可以一家團聚,兩人一兔齊心踏上拯救之旅!



大家或者有印象,早年《Hunter X Hunter》長期休刊時,有個日本Fans自發進行「《Hunter》連載再開前每日一萬下感謝正拳」活動,每日就係影住自己學尼特羅會長咁打一萬下正拳(第二日起變咗1000下),最後佢亦真係打 ...
hobby
【電玩】等足6年《絲綢之歌》終於發佈 Fans頻道日更相關新聞1694日後結束
05 Sep 2025
經典文學作品《Wuthering Heights(咆哮山莊)》再度被搬上大銀幕!今次由《Promising Young Woman(超犀女王)》導演Emerald Fennell操刀,Margot Robbie與Jacob Elordi聯手主演,而在Netflix迷你劇《Adolescence( ...
hobby
【影視】Margot Robbie與Jacob Elordi聯手主演 新版《咆哮山莊》公開前導預告
05 Sep 2025