坊間廣為流傳著一種講法，後生嘅男士先會鍾意瘦到一丁點脂肪都冇、可以見到肋骨嘅女仔，而年紀愈大就愈識得欣賞肉感身材。如果按照呢個講法，今日介紹嘅「新谷真由」應該會被歸類為「肉感」，唔知大家又識唔識得欣賞呢？

今年20歲嘅「新谷真由」，細細嗰就打算成為一位化妝師或髮型師，高中更係讀理容及美容學校，不過就誤打誤撞咁參加咗一個高中生選美比賽而且拎埋冠軍，憑著清純可愛嘅外貌加入女團「Pimm's」，從打算幫偶像化妝，變成自己做咗偶像。

「新谷真由」喺「Pimm's」畢業後就全力進軍寫真界，瞬間獲得大量關注。雖然佢身高只有149cm，但就有E Cup豐滿上圍，加上甜美可愛臉孔，俘獲唔少男士芳心。另外佢仲非常之有野心，曾經喺訪問表示自己以當紅寫真女星「大原優乃」為目標，希望成為另一個超人氣水着女星。見到佢咁大口氣，真係令人非常期待佢之後嘅新作。

資料來源：[email protected]_pdq、[email protected]_mayu43