有Cosplay界一姐之稱嘅「Enako」，今年喺寫真界勢如破竹，差唔多每個月都見到佢喺唔同雜誌出現，緊嚟佢將會喺今個月21日推出全新個人寫真集《OFF COSTUME》，顧名思義就係唔做任何Cosplay，一改舊有風格走唯美性感路線，中門大開曬出半球！目前官方已公開封面及部分照片，一齊嚟先睹為快！

今次「Enako」脫下為佢帶嚟自信嘅Cosplay服，以接近素顏狀態上陣，向粉絲們呈現最「真」一面，並搵嚟曾經幫「白石麻衣」以及「生田繪梨花」拍寫真嘅攝影師「中村和孝」操刀，預計成品必然有返咁上下質素，有意入手嘅朋友記得留意下啦。只可惜預覽圖就係得上面咁多張，大家唯有睇住佢近期啲靚相先啦~