眾所周知，日本嘅「AKB48集團」主打偶像養成，講求Fans可以見證偶像一步步成長，所以官方招募嘅對象一向以10幾歲嘅妙齡少女成主，甚少出現2字頭嘅新生。但凡事總有例外，就好似今日介紹嘅「和田海佑」，上年就以23歲「高齡」加入NMB48。

一般嚟講，偶像女團成員多數20出頭就會「畢業」離隊，但「和田海佑」就反其道而行，喺2020年9月以23歲之齡，成功加入NMB48成為第7期研究生，亦係成個AKB48集團最年長嘅研究生，同其他成員拍埋嗰陣瞬間變咗大姐姐。據「和田海佑」透露，其實佢一直對偶像工作非常有興趣，只不過扚唔起心肝去嘗試，眼見就嚟超過招募年齡上限，於是膽粗粗去咗報名，結果成功脫穎而出。

入團後嘅「和田海佑」除咗參與偶像活動，亦被多間雜誌邀請拍寫真，大曬性感好身材，唔知可唔可以成為團內另一個寫真擔當呢？

資料來源：Twitter@MYUMYU_48、Instagram：沒有