「巨無霸」O’neal一位已退役嘅傳奇級NBA巨星，Damian Lillard則係現役拓荒者嘅頭牌球星，二人雖然都係NBA球星，但好似無咩關係? 咁你就錯啦，其實除左籃球天賦之外，兩人仲係鍾意RAP嘅音樂人，並於音樂世界創下唔少輝煌成就。

而為左向兩位球星對音樂嘅熱愛致敬，Reebok與adidas攜手將RAP嘅元素融入傳奇球星O’neal標誌性戰靴Shaqnosis嘅設計中，推出全新聯乘鞋款Damenosis。

在籃球場上，相信大家對「巨無霸」嘅統治力應該無容置疑，但其實佢於音樂世界亦曾經發行過獲白金唱片認證嘅音樂專輯，係歷史上唯一一位NBA球星曾經做到的。而Lillard除左係籃球場上嘅冷面殺手之外，其實都係數一數二嘅RAP歌手，甚至你可以形象佢為被籃球耽誤嘅Rapper。

今次Reebok及adidas合作為O’neal及Lillard Crossover推出嘅Damenosis，絕對係對二人無論係籃球定係音樂嘅成就作出致敬。

作為O’neal經典簽名鞋款嘅Shaqnosis，今次就被重新演繹，刻意採用Lillard效力嘅拓荒者紅黑色融入其漩渦環繞線條設計，而細節位好似鞋舌旁飾以紅黃白鞋帶孔點綴，呼應錄音室設備上嘅三色AV線。另外，無論係鞋盒、鞋跟定係鞋墊，都將O’neal及Lillard嘅專屬Logo加入其中，令對鞋好似獲得兩者嘅力量一樣。