好多人做錯事，無論事大事小第一時間就係搵藉口卸膊，甚少會主動認錯。今日介紹嘅「花咲れあ」就係一個例外，事關佢出咗名鍾意遲到，甚至有次瞓過龍而遲咗4個鐘先去到拍攝現場，但佢唔單只冇卸膊，上電視節目嗰陣仲自嘲話自己係問題兒童，你話係咪吹佢唔漲呢？

今年24歲嘅「花咲れあ」本身係一位牙科診所護士，但自從21歲生日時開咗抖音同IG後，就憑住可愛嘅外表加上豐滿身材收獲大量Fans，繼而被經理人公司發掘入行。出道短短兩年上過多次雜誌，今年初更夢想成真推出首本個人寫真集，著上泳衣大曬好身材，我諗大家就算見到佢遲到，應該都嬲佢唔落㗎可？