近期最熱門嘅投資已經唔再係股票、黃金等，而係非同質化代幣NFT嘅虛擬世界。不過如果你都仲係對NFT世界唔太熟悉，不妨可以考慮下投資LEGO。

你無聽錯，就係大人同細路都鍾意玩嘅積木LEGO。據最新調查發現，原來喺二手市場已經停產嘅LEGO價格上升幅度達到10%-11%，比黃金、債券等投資回報率更高！

今次有關LEGO嘅研究涉及2300多套從未拆開嘅LEGO套裝，研究人員分析其定價及拍賣成交價，最終發現其價格升幅竟比黃金更強。

確實世界上仍然有無數物品係可以用來投資，如今LEGO嘅價值被重新發現，睇黎又有一班人會投入其中，而價格短期內可能又會有上升嘅空間了。