相學中有云：眼下有痣，桃花旺盛，而對於非常講求人緣嘅藝能界，桃花好亦代表人氣更好——如果按照呢個思路，咁今日要介紹嘅呢位「竹內花」理應一入行就大紅大紫。不過事實就唔係咁，係直到近排佢開始轉行水著，露出豐腴身材之後，星運先開始好起來。

現年24歲嘅「竹內花」，其實早於2016即係18歲時就已經加入日本藝能界，2017年時曾經贏過雜誌《Young Champion》嘅「Miss Young Champion選美」，可見佢嘅外在條件絕唔差。不過佢過去幾年曾經輾轉加入三個不同嘅偶像團體，不過都未能夠成功打響名堂。直到4月時以「專心學業」為由退出偶像團體，結果就專心發展寫真事業，先真正殺出一條血路。

大家睇想都知，竹內花嘅主要賣點，就係佢睇相已經覺得軟稔稔、好好攬嘅「棉花糖Body」，再配上早年紀錄係E，但近來就更新為G Cup嘅豐滿身材，可謂可愛與性感兼備。黎緊9月佢仲會推出第一本個人寫真，唔知大家又有冇興趣入手呢？

圖片：hanadanya_ on IG