自從2020年出道以來，橋本萌花就因為其「連鎖拉麵店千金」嘅身份而備受關注，但佢似乎拒絕靠屋企而上位，過去兩年黎都努力發展寫真事業，最近更為《Young Jump》獻出出道以來最大尺度寫真，真真正正靠自己 (個Body) 殺到一眾男士腳都軟埋！

現年24歲嘅橋本萌花於2020年寫真出道，而雖然佢擁有173cm高挑身型加上E Cup上圍，但大家對於佢嘅討論，都係集中於佢係日本關西連鎖拉麵店「ずんどう屋」嘅千金小姐，出道初期更被日本傳媒稱為「社長令孃」。不過橋本萌花其實冇靠屋企，唔止當年係獨自「上京」發展寫真事業，更一度再做Uber Eats維持生計，絕對係自力更生。

而出道幾年後，其寫真風格亦漸漸擺脫當年嘅「大小姐」、「白富美」風，唔係話佢依家唔白唔美，而係比起當初主打青春活力，依家就多咗幾分成熟誘人氣息。特別係佢最近為《Young Jump》拍攝嘅新寫真，唔單止中門大開，更「左右開窿」，半裸上陣，乃係佢出道以來最性感嘅一次，難怪雜誌都用「解禁」黎形容啦！

IG：moca.gram