大家都知AV最多可以去到「八十路」，但相信大家細個嗰陣，連「三十路」、「四十路」都會覺得太「成熟」，直到你本人都接近三、四十歲，你先發現其實別有趣味。再加上近年大家更著重管理外表、運動，外表年齡同實際年齡差距就更大。好似今日要介紹呢位「大川成美」咁，下個星期就已經33歲，但你睇佢似咩？

下星期一就迎來33歲生日嘅大川成美，本來係一名銀行職員，2012年曾經參加千葉縣旭市舉行嘅「七夕女王」選拔，再於2014年於涉谷街頭被星探發掘而寫真出道。而除咗寫真工作之外，佢由2013年起就係日本特攝電影系列《太陽戰士蕾歐娜》嘅主角人選之一，至今主演過其中廿一集。

而大川成美自小就非常鍾意運動，中學時曾經係軟式棒球嘅全日本大會MVP，短跑亦曾跑出50米6秒嘅成績，仲參加過日本國民體育大會。就算你依家去睇佢個IG，都會見到佢經常參加高爾夫球等運動。難怪即使進入熟女階段，身材都Keep得咁好。佢仲曾經於個人YouTube嘗試一分鐘換六套競賽泳衣，睇落去就同學生差唔多呢！

IG：naru_coco