日本日清杯麵一向都有推出奇奇怪怪產品嘅習慣，而近日佢哋就於Twitter公開「杯麵床具」嘅概念圖，網民們紛紛都話想買！

カップヌードルの具と一緒にぐうぐうできる寝具セット。#RT多ければ商品化 pic.twitter.com/fK3pNutOSa

— カップヌードル (@cupnoodle_jp) March 10, 2023

呢組「杯麵床具」其實好簡單，就一個印有日清杯麵包裝嘅被袋，再加上四個分別印上「蝦」、「蔥」、「蛋」及「謎肉」四款經典配料嘅小枕頭套。全部嘢組合埋一齊再加上你個人瞓埋入去，個畫面就會好似瞓咗喺個杯麵入面一樣。唔知點解個感覺會好香、好暖，仲有幾分飽，應該可以幫大家三分鐘內進入夢鄉。

不過要留意嘅係，日清明確表示呢套床具目前只係概念，要Twitter上嘅轉推夠多佢哋先會考慮商品化。不過憑依家個Post有近1.5萬個讚好、9,000個轉推，以及大量粉絲留言「我要買」，相信距離商品化應該不遠。