相信大家都有試過，女朋友或者老婆話去剪頭髮，但剪完之後你根本就睇唔出佢個頭有變過。的確，對大部份男人黎講，除非個女仔係由長頭髮變短頭髮，否則我哋根本就分唔出。而今日要介紹呢位「佐々木萌香」，就係由出道初期嘅長頭髮，改成依家一頭清爽短髮，唔知大家又覺得邊個髮型襯佢多啲呢？

佐々木萌香年輕時就讀空姐學校，但當時佢會兼職去做Show Girl，眼見唔少同事後來轉職賽車女郎，亦令佢對呢行開始有興趣。所以即使後來成為ANA嘅地勤空姐，但當佢於原宿街頭遇上星探後，就二話不說加入並成賽車女郎。後來再於2019年參加《FLASH》舉辦嘅「Miss FLASH」出道成為寫真女星，至今已經推出7隻寫真DVD。

我哋早於兩年前就曾經介紹過「佐々木萌香」，當時寫真出道無耐嘅佢，都仲係一頭少女味十足嘅「黑直長」髮。不過兩年後嘅今日，佢就已經改成充滿成熟女人味道嘅短髮。但你又唔好以為佢真係一名「熟女」喎，因為1997年出世嘅佢，目前其實只係25歲架咋！大家又鍾意佢邊個髮型多啲呢？

IG：moeka_sasaki