26歲對於唔少人黎講，只係事業、人生啱啱起步嘅階段，但對於今晚要介紹嘅呢位「高見奈央」黎講，26歲嘅佢已經出咗道16個年頭，即係有三份二嘅人生都喺演藝圈中渡過。豐厚嘅年資亦代表佢涉獵過多種演藝工作，不過寫真呢，就係今年先開始有喎！

高見奈央早於小學四年級，即係大約10歲時就已經被經理人公司簽下，以童星、兒童模特兒等身份活躍。進入2010年代後佢多次參加偶像組合嘅試鏡，最終於2012年通過「ベイビーレイズJAPAN」嘅試鏡，並一直以偶像身份活動到2018年。2018年雖然團體解散，但佢自己就迎來演藝生涯高峰，頻頻參演電視、網絡綜藝節目，同時亦開始舞台劇演出，人氣節節上升。

雖然出道多年、演藝經驗豐富，「高見奈央」卻一直與寫真界保持距離，只係曾於十年前剛成為偶像時為《週刊Young Jump》影過幾次水著寫真。直到今年春天先再次為《Young Champion》及《Young Animal》獻出水著，IG上亦多咗唔少泳衣相。其實佢身材雖然唔算好有睇頭，但樣貌可愛清純，加上一對美腿都頗為吸引，希望佢之後會有更多水著作品啦！

IG：nao_takami1128