{ SKIP }
文:MenClub 魏文青  
POSTED ON 05 Sep 2023

過往多個兩性關係研究都證實,男女伴侶之間經常會出現所謂「高潮鴻溝 (Orgasm Gap)」,亦即於兩性生理結構、社會文化影響下,往往只有男性能夠於傳統嘅「插入性性行為」中獲得高潮,女性嘅「高潮率」大幅偏低。結果就因為女性唔滿足、男性見到女性唔滿足而又唔滿足,導致兩性「性滿足度」降低。而近日一個英、美研究就發現,「雙重自慰 (mutual masturbatiobn) 能夠有效提升兩性嘅「性滿足度」,或者會係解決「高潮鴻溝」嘅簡單方法。

所謂「雙重自慰」,其實就係於伴侶在場嘅情況下自慰,係「非插入性」嘅性行為之一。來自英國Southampton大學心理學系嘅研究員Dilan Kılıç (土耳其姓氏)表示,目前性治療師亦會鼓勵伴侶參與女性嘅自慰行為,讓女性能夠向伴侶示範自己如何獲得快感或高潮,以作為改善雙方性滿足度嘅契機。同時佢亦有感目前關於性滿足度嘅研究主要針對「插入性性行為」或者「單獨自慰」,所以希望進行新研究,了解「雙重自慰」對「性滿足度」嘅影響、兩性嘅觀感以及背後嘅阻力等等。

於是佢招募咗總共268名 (117名女性、151名男性) 年齡介乎18至65歲、處於一段至少一年嘅異性戀或女女同性戀關係嘅受訪者,並透過問卷詢問佢哋關於「雙重自慰」嘅行為及睇法。

結果就發現,有大約50%受訪者曾於調查前兩週內進行「雙重自慰」,而呢批受訪者嘅性滿足度為29.58 (40分滿分),同時佢哋對於「雙重自慰」行為亦抱有正面感覺。

更重要嘅係,研究團隊發現「近期試過雙重自慰」與「性滿足度」之間有正面關係,亦即「近期有過雙重自慰」嘅人,其性滿足度會比「近期冇雙重自慰過」嘅人高。其背後原因可能係「雙重自慰」解決咗部份「高潮鴻溝」問題,令雙方嘅滿足度都更高;同時亦證實,雖然提出或初嘗試「雙重自慰」可能有啲尷尬,但對伴侶黎講其實係有正面作用,而且「性滿足」亦唔一定需要透過傳統性行為獲得。

資料來源:The Role of Mutual Masturbation within Relationships: Associations with Sexual Satisfaction and Sexual Self-Esteem

雖然話唔少日本寫真女星早於十幾歲(甚至無「幾」)就開始拍攝寫真,但一般而言,20歲成年後先係拍攝寫真嘅「合理」年齡。好似今日要介紹呢位「蛭田愛梨」咁,就選擇於20歲生日後推出首本寫真集,仲話係佢踏入「成人 ...
girls
【深夜】偶像「成人」即出寫真 「蛭田愛梨」自評100億萬分
22 Jul 2024
雖然TikTok於香港唔算係主流,但喺日本佢就係年輕人最愛嘅社交平台(沒有之一), 而上面亦唔只有「抖音一響,父母白養」嘅「廢片」,而係有劇集等製作較為精良嘅作品。今晚要同大家介紹嘅呢位「大園みゆう」,就係 ...
girls
【深夜】TikTok劇集女主角 「大園みゆう」推寫真DVD
19 Jul 2024