兩年時間話長唔長，話短唔短，但相信經過過去幾年，大家都會覺得兩年內有好多嘢都可以變得非常唔同。好似今晚要同大家介紹嘅呢位賽車女郎「相沢菜々子」咁，兩年前我哋都曾經介紹過，而黎到兩年後嘅今日，佢已經引退過再復出埋！唯一無變嘅，大概就係佢嗰對殺死人嘅超絕美腳！

現年27歲嘅「相沢菜々子」最早於2017年11月以日本泳裝協會 (JSA) 嘅活動女孩名義出道，隨後就憑住佢173cm高、九頭身比例嘅姣好身材殺入賽車女郎界，再於2019年踏足寫真事業。其最大賣點除咗對腳之外，就係自細學習芭蕾舞時練返黎嘅超高柔軟度，所以佢拍攝寫真時亦經常擺出能人所不能嘅誘人甫士，亦令佢人氣急升。

本來佢嘅賽車女郎及寫真事業都發展得順風順水，但去年3月時佢就突然以專注演員事業為由退出賽車女郎界，然後今年一月推出首隻寫真DVD時又突然宣佈復出。不過點都好，目前佢繼續係賽車女郎同寫真「雙修」，近來亦為《FRIDAY》、《FLASH》等雜誌影咗唔少靚相，而且一對美腿依然吸引，對Fans黎講應該已經好滿意啦！

IG：nanako_aizawa