唔少日本寫真女星於入行之前都曾經有過其他工作，不過只要佢哋於寫真界取得成功，絕大部份人都會全心全意發展寫真或演藝事業，好少會再返去打工。但今晚要介紹嘅呢位「鈴原りこ」就係一個例外。入行前係護士嘅佢，雖然出道幾年就獲得唔錯嘅成績，但到去年出夠十隻寫真DVD後，就突然返去做護士兼「尋找人生嘅下一步」。

現年31歲嘅「鈴原りこ」，係於2018年於主題Cafe兼職時被星探發掘，當時嘅佢已經做咗8年護士。據知佢從小就唔係太鍾意自己嘅身材及豐滿上圍，不過從經理人口中得知於寫真界，好身材都有價值時，佢就毅然入行，並於2018年10月推出首隻寫真DVD。出道後佢嘅成績亦非常唔錯，除咗曾於2019年夏天登上《週刊Playboy》編輯部選出嘅「純樸番付」排行之外，2020年亦曾拎過日本「試鏡社交平台」mysta舉行嘅Miss Genic票選第四名。去年6月更推出首本裸體寫真集，令其人氣升至高峰。

隨住裸體寫真集推出，同年又出埋第十隻寫真DVD後，30歲嘅佢就突然宣佈「該做的事都做完了，看不到之後可以做甚麼」，並且希望於30歲時踏出人生新一步，於是佢走咗去開Cafe，同時重操護士舊業。雖然佢今年仍然推出兩隻寫真DVD，但未來仲會唔會繼續似乎就係未知之數，所以大家有得睇就好睇啦！

IG：suzuhara_riko