日本慶應義塾大學乃係日本傳統名校，除咗曾有多位畢業生後來成為政商界名人之外，仲有好多入咗娛樂圈、新聞主播界發展。亦因為學校本身太過出名，藝人只要冠上「慶應出身」呢個頭銜本身就係一個賣點。而今晚要介紹嘅呢位「水瀬はるか」亦唔例外——但當然，大家應該都見到佢有其他「特點」嘅，係咪？

現年27歲嘅「水瀬はるか」，早於大學時期就已經開始踏足演藝界，曾經為TBS節目《ランク王国》以及交友軟體「paters」拍攝廣告，2021年時更以本名「大門遥」打入「Gravure Next Finalist」比賽嘅最終名單，2022年又參加過「地球小姐」嘅日本賽區埼玉縣大會，可惜兩項比賽都未能更進一步。或者就係見幾年過去都冇咩成績，所以佢於今年改名「水瀬はるか」，並開始水著寫真活動，並頻頻出席水著攝影會，結果就真係一脫而紅，人氣急升！

睇返佢自己於X (Twitter) 嘅發文，可以知道到佢自2021年7月開設X之後，要到今年5月時追蹤人數先首次突破5,000人；而大約半年之後嘅今日，追蹤人數已經超過3.5萬，足足翻咗7倍。而7月時佢亦宣佈辭去原有嘅OL工作，專心發展寫真事業，睇黎未來會有更多靚相面世。

另外值得一提嘅係，佢係AV女優「小倉由菜」嘅Fans，曾於X上分享「小倉由菜」嘅寫真集封面，仲話自己鍾意咗佢好耐；近年日本政府管制水著女星參加攝影會時嘅「過激衣著」、「過激行為」時，佢又曾引用「AV新法」作為例子，表示咁樣只會損害女星嘅工作機會，睇黎就對AV業界頗有研究——我知你哋諗緊乜，但唔好講出口，講出黎就唔靈架啦！

IG：harunyan_gg