雖然TikTok於香港唔算係主流，但喺日本佢就係年輕人最愛嘅社交平台（沒有之一）， 而上面亦唔只有「抖音一響，父母白養」嘅「廢片」，而係有劇集等製作較為精良嘅作品。今晚要同大家介紹嘅呢位「大園みゆう」，就係其中一部TikTok劇集嘅女主角，最近佢仲出埋寫真DVD添！

現年25歲嘅「大園みゆう」，最早係於2021年登上專門發掘素人美女嘅「大阪美女圖鑑」而為人所知，隨即加入演藝界發展。其出道初期主要以拍攝廣告為主，到去年7月時受邀於《Young Magazine》獻出自己嘅處女寫真，並開始踏足寫真工作，到今年6月時仲推出自己首隻寫真DVD。佢於宣傳DVD時曾經向傳媒表示，一直都對自己個Pat Pat有情意結，拍攝時要展示屁股更加令佢非常害羞，但好快佢就理解身材乃係自己嘅優點之一，所以要善加利用。睇黎就係有心要於寫真界大力發展啦。

除寫真之外，「大園みゆう」近來亦有出演TikTok劇集《電撃婚〜社長様とのトキメキ恋〜》，唔使識日文你都估到係啲「美女遇上霸道總裁」嘅老土狗血劇。不過勝在有「大園みゆう」，而且YouTube都有得睇。如果大家想支持下佢嘅話就不妨去睇下啦。

IG：miyuu_ohzono