遊戲《人中之龍》系列每部作部都會有各種小遊戲，而光顧遊戲中嘅陪酒店，與以現實女星為藍本嘅陪酒孃「培養感情」更係唔少玩家心目中嘅真正主線。日前《人中之龍》工作室就公佈咗將會於系列下一部作品現身嘅五位「港區女子」，當中更有著名Cosplayer「えなこ」、前AV女優「澀谷果步」及現役AV女優「本郷愛」等大家熟悉嘅名字。

《人中之龍》工作室早前為咗系列下一部作部招募「港區女子」，最終選出十名合格者，並於本月16日晚上舉行記者發佈會兼網上直播，公佈最後五人名單。名單中不乏中大家耳熟能詳嘅美女，包括號稱日本Cosplayer第一人、近年踏足埋雜誌寫真、IG上有超過300萬追蹤嘅「えなこ」。而AV界就貢獻兩人，分別為以J Cup上圍聞名、2018年引退後以作家、實況主等身份活動嘅「澀谷果步」，以及去年6月從AV片商Faleno移藉到S1嘅現役女優「本鄉愛」。最後兩人則分別為賽車女郎「霧島聖子」，以及遊戲節目主持「みそしる（石川利恵）」。

えなこ

澀谷果步

本鄉愛

霧島聖子

みそしる

值得一提嘅係，《人中之龍》系列於今年初推出《人中之龍8》後，尚未公佈下一部嘅名稱、故事及發售日期，所以目前未知幾時先真正見到上述5人出現於遊戲中。另外今次招募主題「港區女子」係指穿梭於日本東京富人區「港區」各大夜場或高級餐廳，以結識有錢男人為樂甚至維生嘅日本女子。或者反映出新作會以「港區」為題？