雖然對唔少男人黎講，賽車女郎只係賽車場上不可或缺嘅好風光，但其實唔少賽車女郎都係因為熱愛汽車先入行、又或工作耐咗之後培養出對車嘅興趣，所以其實佢哋都係車迷黎。好似今晚要介紹呢位「名取くるみ」，近日就鍾意玩棍…波車！

現年28歲嘅「名取くるみ」，最早係於2018年以寫真女星身份出道，隨後於2021年贏得日本著名寫真女星選美「Miss FLASH 2021」之成名。同年佢加入埋日本SUPER GT車隊「Pacific Fairies」，旋即獲得當年嘅日本賽車女郎大賞新人獎，羿年再成為同一個比賽嘅總冠軍，可見佢有幾受歡迎！

至於點解佢咁受歡迎呢？一方面當然160cm高嘅佢擁有非常誘人嘅身材比例，配上賽車女神嘅貼身性感服裝非常養眼；另一個原因就係佢並無放棄到寫真工作，而且尺度仲有越見下放。最近佢仲於訪問中透露，為咗影相更加好睇所以將個Pat Pat練得又翹又豐滿。又靚女又勤力你話點叫人唔鍾意呢？

而佢本人其實亦係一個車迷。例如早前佢登上《週刊Playboy》接受訪問時，就指自己本身只有自動波牌，但近來就成功考到棍波，目的就係可以親自駕駛較舊嘅車款，並點名Nissan嘅Fairlady Z及Honda嘅S2000，兩者都係唔少車迷心中嘅Dream Car，證明佢都係識車之一！

IG：_miru960616