{ SKIP }
文:MenClub 魏文青  
POSTED ON 23 Dec 2024

雖然大家都知做幕前分分鐘名利兼收,理應符合大家對於「好工」嘅定義,但到今時今日都仲有唔少人認為係讀唔成書嘅人先會走去做幕前。所以如果我同大家講,今晚要介紹呢位「塩見きら」曾經係全日本數學最叻嘅高中生,但依家去咗做偶像,你或者會覺得有啲可惜;但只要你睇完佢啲相,你就會知道如果佢唔拋個身出黎,對你同我先算係可惜!

現年26歲嘅「塩見きら」出身於日本愛媛縣,據佢近來接受訪問時提到,自己初中時讀書其實唔算叻,甚至入唔到自己心儀嘅高中,但進入高中之後因為每日放學都會去補習,加上雙親對佢非常嚴格,所以成績突飛猛進,更曾於日本全國高中模擬考中,獲得數學全國第一,之後喺大學都真係讀數學科,如無意外將來唔係做數學家就係科學家。

事實上當時嘅「塩見きら」亦非常符合大家對於「書呆子」嘅刻板印象,佢內向、佢怕醜,連面對宿舍室友時都覺得唔自在,於是變得越黎越孤僻。但到大學二年級時,佢就突然驚覺「大家都在閃閃發光,我喺到做緊咩?」,於是毅然輟學,投身佢一向都有興趣嘅偶像事業,並於2019年1月參加偶像團體「神宿」嘅徵選,同時4月正式加入團體,自此開展佢嘅偶像生涯。

今年6月時,佢受邀於《週刊FLASH》獻出寫真處女作,結果一身激白美肌,配上恰到好處嘅身材,以及佢嗰對又大又圓嘅……眼睛!令佢人氣再度急升。大有成為寫真界新寵兒之勢。你話如果當年佢繼續埋頭讀書,將自己嘅美好身段藏於書桌之後,係咪先係真正嘅可惜呢?

IG:kira_kmyd

喺以外表及身材行先嘅日本寫真界(甚至整個娛樂圈都係啦),女性嘅黃金年齡大都坐落於「十零歲到三十零數」之間,過咗呢個年齡段嘅唔係成功轉型,就係選擇引退做返個平凡人。不過今晚要介紹呢位「石岡 真衣」,就係 ...
girls
【深夜】曾加入「借錢女團」及「惠比壽」 解散後「石岡真衣」回歸寫真依然有市場
25 Aug 2025
如果有留意日本體育新聞,或者會見過「一軍」、「二軍」呢類字眼,其實就即係講緊團體內嘅序列高低,當中以「一軍」為最高,即係隊伍中實力最勁、最重要嘅成員。而今晚要同大家介紹呢位「高橋かの」,就有個朵叫做「 ...
girls
【深夜】今天、明天也喜歡你 戀綜出身超一軍女子「高橋かの」
25 Aug 2025