【挑機！】2000年湖人 vs 2017年勇士，究竟誰更強？

文：MenClub Mr.波特　　圖：互聯網
POSTED ON 20 Jun 2017


今年勇士以總局數4：1擊敗騎士，季後賽戰績為16勝1負，三年內兩次奪得NBA總冠軍，唔少人都覺得今年呢支勇士已經成為NBA歷史上其中一支最強嘅球隊，因為兩大處於巔峰期嘅MVP Stephen Curry同Kevin Durant成功聯手，再加上一眾超強隊友，真係要喺季後賽7場4勝入面擊敗佢地，真係非常困難。

莫講話就咁睇宜家嘅NBA有無一支球隊可以喺季後賽淘汰勇士，就算放喺NBA歷史上相信都唔係有太多球隊能夠說出一定可以擊敗勇士。不過曾經作為總冠軍嘅球隊，好似2000年帶領湖人奪得總冠軍嘅傳奇中鋒O’neal就認為自己嘅球隊能夠擊敗勇士。

O’neal直言，2000年有佢與Kobe Bryant嘅總冠軍湖人，將可以擊敗今年奪冠嘅勇士，呢個結果係無論係當年嘅NBA規例，定係現今嘅規例，因為現今規則勇士將唔可以喺防守上對佢有任何觸碰，同樣佢地亦都唔可以觸碰Kobe。

無錯，就好似O’neal咁講，如果使用以往嘅規則，O’neal將可以使用較為兇悍嘅防守，但係勇士就無咩邊位球員有能力可以防下「巨無霸」O’neal，而黎到宜家嘅規則，O’neal喺內線亦絕對係無辦法防守嘅存在，如果勇士想防下他，將必須拿出大量犯規。另外，Kobe嘅進攻動作亦都好大機會博得勇士球員大量犯規。

不過，湖人亦可能沒有球員能夠完全防守勇士的外線投射，因為即使你派出Kobe去防Curry，但係佢嘅三分球並唔容易阻止，而佢地亦有Klay Thompson需要提防，所以只有Kobe一人將難以完全阻止勇士嘅三分雨。而Draymond Green及KD都可以將O’neal將出三分線，咁樣湖人嘅籃板將會變得相對簿弱，而咁樣亦可以耗損O’neal唔少體力。

其實2000年奪冠嘅湖人並唔係「OK組合」表現最好嘅一季，因為2001年嘅湖人，喺西岸所向披靡，取得11勝0負嘅戰績，而喺總決賽佢地亦都只係輸左一場比76人，最終以15勝1負嘅戰績拎到總冠軍，所以對比今年16勝1負嘅勇士絕對係不相伯仲的。

不過可惜嘅係，呢啲球隊跨代比較，往往唔會有機會真係出現，如果真係想知邊隊贏嘅機會大啲，可能就只可以靠電子遊戲黎做個參考啦。