{ SKIP }
文:MenClub Mr.波特  圖:互聯網
POSTED ON 14 Aug 2017


巴塞隆隆前鋒尼馬較早前正式以天價2.22億歐元轉投法甲豪門巴黎聖日耳門,對於尼馬黎黎講佢終於可以唔再需要活喺美斯嘅陰影下,正式成為一支球隊嘅第一核心。不過,尼馬嘅離開同時亦代表巴塞MSN組合解散,呢個曾經令全世界聞風喪膽嘅進攻三叉戟正式成為歷史。




相信大部份球迷亦都同意,巴塞呢個進攻三叉戟本來可以話喺當今最強嘅前線三人組,就算係皇馬亦都被比下去。呢三叉戟三個人都係各自國家隊嘅領軍人物,個個獨當一面,自從2014-15球季組成以來,三個球季入面MSN組合一共為巴塞上陣左450場賽事,攻入左364球,場均入球率達到0.81球,其中美斯喺呢三個球季上陣158場,攻入153球,交出76次助攻;蘇亞雷斯則上陣147場,攻入121球,交出70次助攻;尼馬則上陣145場,攻入90球,交出65次助攻,效率絕對係舉世無雙。


不過如今呢個最強進攻組合正式瓦解,最強三叉戟時代正式完結。睇番足球歷史入面,出色嘅進攻三叉戟並唔多,以下幾組可能已經係最強嘅組合,你又最鍾意邊組三叉戟呢?



1、巴塞隆拿:美斯、蘇亞雷斯、尼馬

上面已經講左,巴塞呢個三叉戟可以話喺歷史最強嘅三叉戟,三人配合出色,又能夠互補,曾為巴塞帶黎多個冠軍。




2、皇馬:C朗拿度、巴利、賓施馬

BBC組合喺效率上係及唔上巴塞嘅MSN組合,但係由於C朗拿度嘅強大,以及皇馬陣容深度極強,所以成功連奪兩屆歐聯冠軍。由於賓施馬嘅入球能力相比MSN任何一人都為低,而巴利近年又經常受傷,所以實力都上係比唔上MSN的。






3、曼聯:朗尼、C朗拿度、迪維斯

曼聯呢個三叉戟陣容曾為球隊奪得1次歐聯冠軍,其中當年嘅C朗拿度同朗尼都極為強大,而迪維斯亦都擁有唔錯嘅入球能力,但係入球效率仍然難與MSN相提並論。






4、拜仁慕尼黑:利雲杜夫斯基、洛賓、列貝利

拜仁呢個組合,首先利雲絕對係一個入球機器,佢喺德甲嘅入球能力已經有目共睹。然後兩翼洛賓同列貝利都擁有出色嘅突破能力同製造入球能,但係列貝利嘅入球能力相對較低,平均一季入10球左右。






5、巴塞隆拿:伊度奧、朗拿甸奴、古利

呢套巴塞三叉戟名氣可能及唔上MSN,但係由於當年「細哨」一個人基本上喺場上已經玩晒,再加上伊度奧嘅高效埋門,同古利嘅配合,佢地成功助巴塞奪得1次歐聯冠軍。






6、巴西國家隊:朗拿度、朗拿甸奴、里華度

如果你認為MSN真係最強嘅,咁巴西呢個3R組合絕對係有過之而無不及。三位都係球王級別,真係搵唔到佢地當時有咩弱點,朗拿度嘅把握力、朗拿甸奴嘅創造力、里華度嘅全能,如果要比MSN都真係隨時唔夠鬥。



阿生你…邊位?
hobby
【Naruto】美國藍光《Naruto》封面 鳴人大崩壞
04 Aug 2020
戲院收益跌96%,但家庭娛樂反升60%
hobby
【影視】Sony影業第一季盈利達2.3億美金
04 Aug 2020