{ SKIP }
文:MenClub 波特先生  圖:互聯網
POSTED ON 10 Sep 2018

作為湖人2009及2010年嘅總冠軍成員之一,中鋒Andrew Bynum因為多方面嘅問題,導致佢自2014年效力溜馬後,就已經離開NBA至今,而值得一提嘅係如今嘅佢其實都係30歲。不過,黎到今日呢位中鋒竟然想回歸NBA,唔知會唔會真係成事呢?

據最新嘅消息指,Bynum近期有意重返NBA,並積極進行訓練,佢嘅訓練片段相信唔少球迷都已經睇到,其中包括不斷全場來回跑完成入樽、三分球及低位技術嘅展現,好似Pump Fake等動作,雖然流暢度尚算不錯,但係速度卻明顯有點慢。

以目前NBA嘅情況,中鋒已經變得可有可無,而Bynum呢類型嘅中鋒亦絕對不缺,佢地已經難以成為球隊嘅主力,最多只係籃底下嘅藍領,除非你擁有出色嘅低位技術及三分球能力,但明顯Bynum嘅三分球絕對唔成氣候,所以喺現今嘅NBA難堪大用。

不過其實當年嘅Bynum絕對被NBA寄予厚望,甚至被認為係O’neal嘅接班人,特別係佢喺2009及2010年助湖人及Kobe兩奪總冠軍,又喺2012年入選全明星陣容及入選年度最佳陣容,個個時候嘅佢都只係24歲,前途絕對無可限量。

可惜之後Bynum遭遇傷患,2012/13整季報銷,其後佢無論場外場內都出現個人紀律問題,最終湖人喺2012年12月決定將佢交易至76人。傷癒後,雖然Bynum都有為騎士及溜馬短暫上陣,但狀態及表現已經大不如前,並慢慢淡出NBA。

2014年後,Bynum一直未有參加任何籃球聯賽,但如今卻想重返NBA,這未免唔令人覺得係笑話一則,不過呢個就係Bynum,佢就係經常引人發笑嘅一個人。

我諗我個孫應該都燒唔到比我...
hobby
【再破紀錄】《Hunter x Hunter》你還記得上一話的故事嗎?
14 Aug 2020
《Fortnite》嘅開發商Epic Games同時控告佢哋壟斷市場
hobby
【Fortnite】App Store、Google Play先後下架 《Fortnite》
14 Aug 2020