潮流瀰漫一種Cross Over/大亂鬥/大結合 嘅氣氛，早前熱門嘅有Marvel Avenger 電影系列；遊戲界又有大亂鬥系列，仲有乜乜VS物物系列。喺《週刊少年Jump》出版五十週年嘅時刻，由Bandai Namco 推出紀念遊戲 - 《Jump Force》，當中包括喺《週刊少年Jump》出現過嘅人氣「英雄級」角色，個個都陪住大家長大，究竟各位都有"主角光環"嘅人物，打起上嚟，邊個會勁啲?遊戲推出時再鬥過。

場境方面，大家都應該一望就知喺邊，但又加咗唔少Gimmick嘢喺入面。

近來活躍喺遊戲界嘅三位代表，劉備、曹操、孫權...咳咳......孫悟空、路飛、嗚門。

HEHE比達都一定會出現。

富樫另一起家作品，《幽☆遊☆白書》嘅蒲飯幽助都加入埋，究竟佢同小岡打，邊個會勁啲呢?(笑)

黑鬍子都有，睇嚟都唔係主角隊先有份。

漂靈嘅黒崎一護同其他同為劍客格劍格個痛快。

估唔到嘅係武藤遊憩/無名?法老王阿圖姆(或者暗遊戲)都有份，佢係魔法型嗎?靠召喚啲卡出嚟幫手打?(黑魔女係賣點嚟)

雖然影片見唔到有話角色可以轉型態或者有隱藏角色之類，但從「大岡」、「超級撒亞人」同埋「九尾模式」，應該估到最少都有變身系統(覺醒)，限時提升能力。就算唔係一個正式角都好，應該都可以見到如：「卍解」、「n檔」、「魔人幽助」等等，聽到都興奮。

隻Game 出年2月先見街，依家嘅遊戲都有預訂禮，而今次哩隻亦都唔列外，係一個菲利嘅BB車，一套三款着咗好威威嘅Cosplay 服...如果唔止得衫，有埋件衫嘅主人，就真係值得買啦 ! 三位父級人士嚟。

而片中有提及過《死亡筆記》嘅夜神月，一個完全唔打得，靠食腦嘅人，身邊有個都唔打得嘅流克，點玩呢?後尾得到遊戲既製作人中島浩二嘅放風，指出夜神月係一個幕後黑手，唔係打手，只係推進故事嘅角色嚟，無得打㗎...

隻Game 要到出年二月先會見街，見到試玩版完成度亦非常高，極為期待，唔知到時會唔會有「Fans排行榜」顯示返邊個角色全球人贏得最多次，會唔會有Fans 瘋狂煲個角色贏呢?

《Jump Force》

發售日期：2019年2月(預定)

售價：未定

平台：PS4 / XBOX ONE / PC