《飛翔吧埼玉》真人版電影預告公開

《飛翔吧埼玉》（翔んで埼玉）係魔夜峰央喺1982年所發表嘅搞笑漫畫，後來喺2015年突然喺網路上引發話題而決定復刊，再經由《月曜から夜ふかし》節目介紹瘋狂熱賣單行本55萬本！家下仲出埋真人版電影，真係估佢唔到！而《飛翔吧埼玉》之所以咁受人關注，係因為佢以一種自虐方式，將埼玉縣貶到一文不值，講述呢個地方出身、居住嘅人，都會受到嚴重差別待遇，《飛翔吧埼玉》就係以咁樣嘅虛構日本為舞台背景。

《飛翔吧埼玉》真人版電影具體內容係講東京名校白鵬堂學院有一個名叫麻實麗嘅男轉校生，由於佢顏值高成績好，所以好多學生都對佢非常崇拜，而呢個男學生嘅真實身份其實係西園寺家嘅少爺，佢父親希望將佢培養成政治家，廢除對埼玉縣民的差別政策……而東京都知事嘅兒子、白鵬堂學院學生會長壇之浦百美，更喜歡上由美國轉校嚟嘅麻實麗，但發現麗係埼玉出身後一切都崩壞了……

之前MenClub就同大家介紹咗呢套戲嘅角色定裝照，同埋畀咗宣傳影片大家睇，今次官方終於出咗官方影片！一齊睇睇先！