{ SKIP }
文:MenClub 波特先生  圖:互聯網
POSTED ON 07 Dec 2018

阿仙奴今季自從換左領隊之後可以話脫胎換骨,就算落後亦都可以逆轉展示強硬嘅一面,相信一眾廠迷一定非常高興。不過,今日就有外國媒體爆出阿仙奴群星竟然喺今年8月賽季開始前,在一次多人嘅Party中竟然吸毒!

媒體曝光嘅係一條監控鏡頭嘅影片,影片中可以見到多位阿仙奴球星,好似奧斯爾、奧巴美揚、米希達思、拿卡錫迪等等。

而影片中,呢班阿仙奴球星一個個嘴裡含著氣球,不斷吸著氣球當中嘅氣體 - 一氧化二氮,亦即係人稱「笑氣」。好似奧巴美揚就成個人挨著梳化,頭向上好似好享受咁,並且完全唔知周圍發生緊啲咩咁。

另外,19歲嘅古安杜斯就更加吸「笑氣」吸到短暫暈倒失去意識,要知道「笑氣」已經被證實會產生神經毒性,並且對腦部有損害,所以絕對屬於毒品嘅一種。好似古安杜斯咁失去意識,隨時可能係心臟病發,有性命危險的。

被拍到同樣喺現場嘅米希達恩及梅斯達菲則沒有吸「笑氣」,睇黎佢地都非常自律,知道呢樣野對身體唔好。

除左吸毒,報導指今次Party還邀請左70名女性到來,最後埋單要價30000鎊!

今次醜聞曝光之後,阿仙奴內部相信一定會作出調查,而領隊艾瑪利就更加頭痛了,因為佢嘅球員近期表現出色,但場外行為卻不檢點,如何處理將考考佢嘅功力了。

美斯成功征服皮利斯個心!
hobby
皮利斯:「我曾與施丹及亨利做隊友,但美斯係與別不同的。」 ...
14 Dec 2018
【美國國寶電影】斷背山、侏羅紀公園,仙履奇緣等25部電影納入2018國會圖書館永久保護 係美國,每年國家電影保護局(National Film Preservation Board)都會更新國家級歷史保護電影,係國會圖書館裡作永久保護 ...
hobby
【美國國寶電影】斷背山、侏羅紀公園,仙履奇緣等25部電影納入2018國會圖書館永久保護 ...
14 Dec 2018