{ SKIP }
文:MenClub 波特先生  圖:互聯網
POSTED ON 21 Jun 2019

領隊沙利日前正式離開車路士,轉投意甲班霸祖雲達斯執教,因此車仔領隊一職隨即懸空。不過,車路士其實已經早有準備,佢地心目中已經有備用領隊人選,而佢就係車路士傳奇球員林伯特。

40歲嘅林伯特較早前已經與車路士方面就入主藍軍展開談判,而最新嘅消息指,呢位藍軍傳奇已經接受球隊開出嘅三年合同(至2022年),好快就會正式成為車路士嘅新領隊。

雖然目前還沒有正式公佈表示林伯特會離開執教中嘅打比郡,但預計只要車路士確認聘請林伯特作為球隊新領隊,老闆艾巴莫域治就會為林伯繳付400萬鎊嘅違約金。

當然,打比郡方面非常希望林伯特可以留低,並願為佢開出新嘅續約合同,但要知道林伯特一共為車路士效力左13年,係球隊嘅傳奇,所以重返藍軍執教絕對係林伯特嘅夢想之一,所以如果藍軍真的決定聘請林伯,相信打比郡將難以阻止佢。

而喺林伯之先,車路士已經正式聘請球隊傳奇門將施治擔任技術總監一職,如果林伯最後真係回歸做領隊,咁佢就可以同施治喺車路士重逢,唔知之後會唔會有更多車路士嘅傳奇重返球隊工作呢?


繼《超級瑪利歐兄弟大電影》大獲成功及《薩爾達傳說》真人版電影計劃公開後,任天堂並無打算停低腳步,正準備將更多經典角色搬上大銀幕! 據外媒《IGN》報導,任天堂同環球影業最近為一部名為《Untitled Do ...
hobby
【影視】大金剛有望登陸大銀幕擔正主角?任天堂與環球影業註冊《Donkey Kong》電影項目
15 Jul 2025
《龍珠》嘅歷史悠久,代表相關嘅衍生作品,例如遊戲亦非常多。如果你一個Fans,或者會覺得要同時追N隻Game有啲麻煩,但有好多隻Game就同時亦代表有好多「週年紀念」及相關官方活動。好似近日《龍珠》嘅官方X繼今年2 ...
hobby
【動漫】龍珠手遊7週年 官方X抽悟空及菲利衣裝
15 Jul 2025