Marvel 電影嘅熱潮，相信唔駛多講，而喺最新嘅《蜘蛛俠 - 決戰千里》入面譯演神秘客嘅 積·佳蘭賀(Jake Gyllenhaal) 成為本片嘅焦點。而近日有人發現哩個靚仔得嚟，帶啲奸奸地嘅樣，居然同多個動畫角色撞樣撞到七彩，無論咩年紀嘅樣都撞到正一正。

最近上影嘅《反斗奇兵4》主角胡迪，加返頂帽畀佢，等佢同巴斯梓峰一齊拍返套真人版《反斗奇兵》啦！

《魔髮奇緣》嘅男主角費華特，條眉、對眼、個咀，3D Scan 嗎？

動畫《Spiderman》入面，唔係電影版呀，係動畫版呀！入面嘅Spider-Verse Peter B. Parker。欠眼珠顏色咋，但藍色珠先係Blue Blood呀！

《荒失失奇兵》嘅阿力，無論人定動物，都撞到正一正！

《馴龍記》入面嘅思噎仔，無論咩年紀，都似到十足，十足十同個角色一齊長大咁。

最後哩張搞搞GAG，哈哈！明顯只係玩嘢，不過望落又有啲似。

原本睇完蜘蛛俠，對佢嘅感覺麻麻，但睇完哩堆相又幾治癒，開始對佢有返啲喜好感。撞相周不時都有，不過好似哩個CASE咁，多角撞樣法，又真係好少見。係 積·佳蘭賀個樣大眾相，定係外國人對男角設定係哩個款？似乎要撞真人版電影時，佢都可以演出好多角色。