型到爆炸！咩野衝上雲霄等全部都係跟佢尾。34年前湯告魯斯憑住Top Gun壯志凌雲上位，成為世紀型男，34年後的今日世界再反轉，湯告魯斯初心不變繼續Top Gun壯志凌雲第二集，「你呢種飛行員總有一天被淘汰」！ Tom Cruise：「Maybe but not today!」型到跌渣的Top Gun本來2019今年可以上映，但因為湯告魯斯堅持親身上陣，結果真係去學習駕駛戰爭飛機(佢本身識揸飛機！)，於是整個電影預算大增兼延遲一年而家2020年先上映。除左期待之外，真係敬佩到唔識形容，2020年除左期待Top Gun: Maverick外，仲唔知有無機會睇到Tom Cruise入鐵籠教訓一下Justin Bieber，而家大家睇住正式預告先….

今日開幕的2019聖地牙哥動漫展，係好多動漫甚至電影的發佈熱點，適逢《壯志凌雲2》主要的拍攝場地是美國聖地牙哥海軍航空基地，所以湯告魯斯忽然現身聖地牙哥動漫展並發佈全新預告可謂合情合理！大家的回憶是否返哂來！！

Tom Cruise拍攝好多動作經典，做職業特攻隊向來有鋪親身上陣的癮，堅持所有危險動作場面親身上陣。不過揸飛機就好難親身上陣，但佢依然去學習駕駛戰爭飛機，就算不是所有鏡頭親自入機駕駛，起碼佢真係識，而有些鏡頭真的是由湯告魯斯親身拍。所以呢部電影續集除左是34年的後繼(呢件事由同一人主理真係好型，而且佢唔係以老人形象出現！)，更可以話是動作場面的升級。未上都已經可以列為經典，必睇都已經唔駛講出口。

《Top Gun: Maverick》預計將於 2020 年正式上映。