{ SKIP }
文:MenClub 波特先生  圖:互聯網
POSTED ON 19 Jul 2019

出自香港嘅男武打明星可能有唔少,但係女嘅武打明星可能就少之有少,可能你較多人認識嘅就只有楊紫瓊及惠英紅,而以下呢一位算得上係新生代當中擁有真功夫嘅女武打明星,佢就係JuJu陳鈺芸,人稱「女版李小龍」。

JuJu自小就隨家人移民美國,後來回流香港讀中學,其後再回到美國完成大學及碩士學位。畢業後,JuJu憑住選美開始進軍娛樂圈,其後更有機會成為歌手推出自己嘅唱片,而佢並沒有停落黎,佢開始深化自己嘅武術,主要學習跆拳道,其後亦都有機會參演不同嘅電影,其中包括《臥虎藏龍2》及《九龍不敗》等等。

JuJu表示:「我10歲開始接觸功夫,當時首先學嘅係柔道,之後再學空手道、中國功夫、泰拳等等。」不斷學習不同嘅功夫,全因為佢覺得作為一名功夫演員,你永遠唔知道繼續需要你識得邊一種功夫的。

雙截棍都係JuJu一直有練習嘅其中一門功夫,當然佢亦都有睇過李小龍嘅片段,並且學佢嘅動作,但都係自學的,小時候嘅佢會拎一孖臘腸又或者挷埋兩把間尺就當係雙截棍揮舞。而其後JuJu學福建傳統詠春拳嘅時候,師傅係鄭忠大師,喺佢嘅幫助下JuJu雙截棍嘅動作可以話獲得質嘅提升。

而點解佢想學跆拳道呢?原因好簡單:好睇!武打電影入面經常需要演員踢腿,而跆拳道嘅踢腿動作,特別係旋轉踢腿係非常適合的,所以佢非常重視呢門武術,甚至代表香港參加跆拳道比賽拎過不少獎牌。

作為香港少有能夠參加荷里活製作嘅演員,JuJu就分享香港與荷里活拍戲當中嘅分別。JuJu表示:「荷里活有工會,演員一日最多只會拍12小時戲份,一星期最多只會拍5日,所以瀕員們會有較多時間休息,但每套戲嘅拍攝時間可能就會較長。相反,香港嘅拍攝係非常有效率,可能會一次過拍30小時,雖然好攰但可以喺最短時間拍攝最多影片,呢一點係兩邊非常不同嘅地方。」

作為武打演員又點會未試過受傷,JuJu就表示自己曾經喺一場煞科戲入面差啲就盲左,因為當時佢與對方需要比劍,但對方疑似太累導致精神不集中,因此劍尖不慎打落JuJu嘅眼睛上,隨後眼睛好快就腫曬,幸好後來經過一輪治療後已經無乜大礙,眼睛亦都無受到嚴重損害。

對於自己有著多個身份:歌手、選美佳麗、演員、運動員,JuJu其實都好享受每一個身份,因為每一個身份都帶比佢唔同嘅野,能夠喺唔同時間去做到以上唔同嘅野,對於佢黎講已經係非常滿足了。

咩叫十年人事幾番新?看看2009年負面新聞纏身的E-Kids Tommy,前途暗淡甚至欠下賭債,可謂「衰到貼地」。當年曾經萌生「不如死咗就算」的他,有冇諗過十年後,2019年嘅今日,香港人會讚佢「型過余文樂100倍」。或許 ...
people
《我係香港人》E-Kids Tommy 阮民安
25 Oct 2019
iframe width="700" height="394" src="https://www.youtube.com/embed/UHYrZhmd7cg" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen/iframe ...
people
而立不惑知天命 - Patrick Tam 譚耀文
30 Sep 2019