唔覺唔覺，望返「數碼暴龍」哩個系列，已經係小熊小學時嘅潮物嚟！(廿年啦！)雖然唔及現時嘅動漫咁熱，但終於係男孩子們嘅重要品牌嚟，每次出產品，都好甘心去課金，相比起另一唔再叫「寵物小精靈」嘅品牌相比，有另一種型啲嘅感覺，起碼啲究極體睇落都勁啲丫。而要可愛亦有一堆成長期嘅數碼暴龍，作為貓奴嘅代表「迪路獸爪形公仔手套」絕對係主子/冧女之選！

日文嘅「肉球」即係指貓掌上嘅肉枕，而迪路獸嘅設定就係一隻貓貓嚟，唯一主角方數碼暴龍能維持呼成熟期而唔會退化返去成長期，可能由於比較可愛，而且日本人大部份人都係貓奴，所以可以有優待啦！而且退化返去成長期會變成小狗獸！？雖然都可愛，但貓奴表示不接受。

明顯係打女仔嘅市場，Office 冷氣好凍的話，男友們應該送返對畀女友暖下手仔。雖然唔算係新產品，但女仔們應該唔會理佢新定舊，只要係男朋友送嘅暖暖、QQ、貓貓、爪爪....下刪一千字，佢哋都絕對唔會介意。

第一代數碼暴龍呀！原來動晝已經十五年了...小光...我係迪路獸呀！

「遇怪魔我即刻變大個...」

「迪路獸爪形公仔手套」

推出日期：已發售
售價：3,700円（未連稅）
Size：～150 ×200 mm（Free Size)
素材：Polyrester
Set内容：手套X2
產地：中國