{ SKIP }
文:MenClub 波特先生  圖:互聯網
POSTED ON 19 Aug 2019

如果要數歷史級嘅傳中能力,相信唔少人第一時間都一定會諗起「萬人迷」碧咸,其絕技「七旋斬」可以話總係做到人到波到。而自從咸爺之後,就好似無乜邊個嘅傳中能力被大讚,直到今日終於有啦!

利物浦20歲右閘阿諾(Trent Alexander-Arnold),自上季歐聯四強次回合面對巴塞時嘅一記快速傳中角球,令佢開始越黎越多人留意及認識,甚至有人認為其佢嘅傳中能力已經可以媲美碧咸。

作為一名閘位球員,阿諾上季一共交出12次助攻,排名聯賽第三,同時亦都寫下英超歷史單季交出最多助攻嘅後衛球員,足以說明佢嘅傳球有幾好,亦都對利物浦有幾重要。

View this post on Instagram

Just gotta keep winning. 3 to go.  #YNWA

A post shared by Trent Alexander-Arnold (@trentarnold66) on

對於阿諾嘅傳球能力,前利物浦中場梅菲盛讚呢位年青人:「阿諾展現技術及傳球能力,係我多年以來都無喺閘位球員中見到了。」

「對於我黎講,阿諾嘅傳中能力係我見過自從碧咸後最好的了。」

「阿諾嘅傳中能力已經可以媲美碧咸,佢嘅罰球及傳中都可以用現象級黎形容。」

從梅菲嘅評論,可以知道阿諾嘅能力已經得到肯定,雖然我地唔可以好肯定咁講阿諾嘅傳球能力已經達到碧咸嘅級別,相信佢自己亦都唔敢肯定,但係佢而家都只係20歲,未來仍然有好大嘅進步空間,未來話唔定真係有一人佢真係可以達到咸爺嘅級別,甚至超越佢嘅水平。

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025