{ SKIP }
文:MenClub 波特先生  圖:互聯網
POSTED ON 02 Oct 2019

02日韓世界盃,主辦國之一嘅南韓歷史性打入賽事四強,最終於四強敗於德國腳下,季冠戰亦不敵土耳其,不過呢個已經係球隊隊史世界盃最佳成績。不過,呢個結果對於唔少人黎睇,都係世界盃最黑暗嘅一屆,因為球證明顯有偏幫南韓隊嘅判決。

喺02呢一屆世界盃淘汰賽中,南韓16強嘅對手係意大利隊,而牌面上意大利明顯比南韓強得多,但最終因為球證嘅吹罰一面倒傾向對南韓隊有利,所以最終意大利敵不過球證嘅偏幫,止步16強。

02世界盃黎到今日已經時隔17年,作為當時其中意大利隊嘅代表,前鋒韋利至今仍然對韓國隊抱有極大恨意,並認為韓國隊應該要對此感到羞恥。

韋利接受媒體訪問時表示:「如果你有睇比賽,你就會明白我當時嘅處境。南韓隊對我及我嘅隊友多次犯規,但球證卻視面不見(呢個情況唔知點解好熟口面...),呢個情況係完全難以接受的,勝出的應該係我地。而最終個位球證仲比發現私藏海洛英,可想而知該名球證係有幾大問題。」

「唔單止我地,後來嘅西班牙結果亦都一樣。有時候你知道主場作客會有不同,球證可能會偏幫主隊,但呢個係世界盃,這是不能接受的。」

「如果我係南韓球員,我會感到羞恥,呢種事情係唔應該發生的,更何況係世界盃,但我地能對此卻無能為力...」

講真足球場上有偏幫絕對係見怪不怪,但做到咁出面又真係難免招人口舌,真係做到球證、旁證、足總全部都係你嘅人,點同你鬥呀...不如你直接頒個杯比你自己啦。

由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024