據消息指，美國洛杉磯機場日前成功搜獲20多隻「老翻」嘅NBA冠軍指環，總價值達到56萬美元。

洛杉磯國際機場嘅美國海關及邊境保護局(CBP)發言人指，今次行動成功發現由中國運往亞利桑那州一批貨物中隱含28隻「老翻」NBA紀念版冠軍指環，並估計如果指環成功進入美國的話，將會以正式紀念版系列出售，屆時估計價值將達到56萬美元。

CBP代言人表示，估計詐騙者係想將貨物賣比美國本地嘅一班體育迷或收藏家，而今次成功截獲來自中國嘅「老翻」貨物，則代表成功保護正貨產權以及美國本土消息者嘅權益。

NBA官方指，一隻正式嘅NBA冠軍指環價值達到10000-40000美元不等，部份價值超然嘅冠軍指環甚至可以達到20萬美元一隻，絕對係無價寶。

其實中國作為著名嘅假貨出口國，佢地一直秉持住假貨比真貨好，其實會唔會呢批冠軍指環，質素會比真嘅更好呢？睇怕都係美國佬唔識貨啦！