{ SKIP }
文:MenClub 波特先生  圖:互聯網
POSTED ON 18 Sep 2019

相信作為球迷嘅你都應該知道,湖人傳奇球星Kobe Bryant係從高中直接跳過大學加入NBA的,雖然高中生身份令佢第一季只能長坐冷板,但卻無阻之前佢成為超級巨星。

唔少人可能都會覺得,Kobe當日跳過大學全因為想盡快加入NBA,展示自己嘅籃球才能。但事實又係咪真係咁呢?作為2000年湖人奪得NBA總冠軍嘅成員之一,現年55歲嘅John Salley則透露,Kobe跳過大學加入NBA全因為Michael Jordan。

Salley日前透露,Kobe曾親口同佢講,佢高中畢業後直接進入NBA,係因為想盡可能與Jordan打多幾年,要知道當時嘅Jordan曾退役過一次,但已經回歸並仍然處於巔峰期。

作為1996年嘅新秀,Kobe成功加入NBA,但無奈經驗尚淺,所以根本唔係Jordan嘅對手,而Jordan則成功帶領公牛完成第二次三連霸,而同時佢亦宣佈第二次退休。

對於Kobe黎講,Jordan喺1998年退役對佢黎講係不少打擊,因為當時嘅Kobe才剛剛完成自己第二個賽季,並準備迎來自己嘅上升期,所以佢失去與巔峰Jordan有更多對決。

不過,其後Jordan喺2001年宣佈以38歲之齡復出,但加盟嘅卻係巫師,但對於Kobe黎講仍然係難能可貴嘅機會。Salley表示,喺賽季初嘅時候Jordan曾用垃圾話挑起Kobe的怒火,因此其後再一次對上Jordan時,Kobe喺Jordan面前怒砍55分,算係對呢位「籃球之神」嘅一個回應。

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025